Home | COMPASS

Language Samoan

Faafetai I lou auai mai I le suesuega o le COMPASS! Talu ona tatalaina lenei suesuega ia Oketopa talu ai, ua tele se lagolagoina malosi, ma o lea o le a faamutaina. Matou te faafetai tele mo I latou na faaavanoaina le latou taimi e faia ma faamaea ai lenei suesuega. O lo o fuafuaina e faaalia/faailoaina ni lomiga pea maea ma avanoa I luga o le upega tafailagi.

Afai e te fia auai I nisi o suesuega po o sailiiliga e faatatau I le soifua maloloina o tagata nuu Asia Amerika ma le Pasefika, faamolemole ia auai atu I le faamaumauga o le CARE I le (https://careregistry.ucsf.edu). O suesuega o le COMPASS o lo o faatautaia. o se vaega o faamaumauga o le CARE, lea o lo o avea ma se taumafaiga tele ina ia auai ma fai ma sui o tagata nuu matutua o Asia Amerika ma le Pasefika I suesuega.

Atonu o lea e fia auai ina ia maua le nusipepa I masina taitasi o faamaumauga o le CARE (faasolo atu I lalo i le emeli: [email protected]). O nusipepa I masina taitasi, o se isi lea punaoa faaopoopo o faamatalaga e faailoa atu ai suesuega ma taualumaga faaleaoaoga mo tagata nuu Asia Amerika ma le Pasefika. E te le tau lesitala I faamaumauga a le CARE ina ia maua ai le nusipepa I masina taitasi.

Le Matou Faamoemoe

Talofa, o le COMPASS lenei!

Talofa, o le COMPASS lenei! O le uiga o le COMPASS, o Se Suesuega I A’afiaga Faale-soifua Maloloina O Le Mafaufau Ma Le Tino I Le KOVITI-19 I Tagata Nu’u Asia Amerika Ma Le Pasefika. O lenei sailiiliga ua faia ma le galulue faatasi ma le tele o faalapotopotga faale-aoaoga, ma paaga i nuu ma afioaga o lo o latou tautuaina ia vaega eseese o tagata nuu Asia Amerika ma le Pasefika. E aofia ai le Univesite o Kalifonia, San Francisco, o le Univesite a Kalifonia, Davis, o le faalapotopotoga faavaomalo o fesoasoani mo fanau, o le faalapotopotoga tutotonu faalotoifale Asia Pasefika mo matua, o le faalapotopotoga tutotonu mo matua i UCSF, EPATT, Yu-Ai Kai, ma le nofoaga tutotonu o Initia.

O le sini autu a le COMPASS, o le fia iloiloina o aafiaga o le KOVITI-19 I le soifua maloloina o tagata nuu Asia Amerika ma le Pasefika, o le mafai ona mauaina o le tausia o le soifua maloloina, o le tausiga o tagata, o le aafia o se tasi I le faailoga tagata, o galuega/totogi, lagolagoina toatele ma auala e taulimaina ai so’o se tulaga(pei o le faaaogaina o masini I nei ona po).

O lou auai mai, o lea mafai ai e le COMPASS ona fesoasoani e faailoa mai faiga faavae I le lumanai, o polokalame ma suesuega faaopoopo e mafaia ona faaitiitia aafiaga o le KOVITI-19 mo tagata nuu Asia Amerika ma le Pasefika.